GRASSHOPPER (http://www.flickr.com/photos/7797695@N05/7152418815): Research Report Defence

MMI NI MAISHA

Mimi kiumbe adimu, tena ni muhimu sana,

Najita kiumbe humu, kwavile nina maisha,

Ninapenda kuwa huru, nahitaji maji, mwanga,

Na matunzo maalumu, maisha kuyanusuru.

Maisha yangu thamani, kama hela ya Mwalimu,

Ni Nyerere Juliasi, nimsemaye mwalimu,

Japo we hunithamini,waishi kupita kwangu,

Matunzo kwangu thamani, kunusuru maishangu.

Hebu tafakari swali, fupi lakini hamasa,

Wewe waweza kuishi, nyumba usiyosafisha?

Wala kuikarabati? Pale inapobomoka?

Matunzo kwangu thamani, kunusuru maishangu.

Ndivyo wafanyavyo wale, wanitumiao mimi,

Wanavuta hewa ile, niitoayo tu mimi,

Si wao peke viumbe, hunitegemea mimi,

Matunzo kwangu thamani, kunusuru maishangu.

Wapaswa tambua kwamba, bila mimi si kivuli,

Hakuna uhalisia, sema maji ni uhai,

Misitu ni mali hasa, haitakuwa ukweli,

Matunzo kwangu thamani, kunusuru maishangu.

Majuzi rafiki yangu, alianzisha maisha,

Magomeni kwa vurugu, akavimba na kifua,

Kutokana na ukavu, hakupata maji tosha,

Matunzo kwangu thamani, kunusuru maishangu.

Watu pamoja mifugo, kupita wakakanyaga,

Mapigo yake ya moyo, yakaanza kupungua,

Akapinda na mgongo, kisha pumzi kakoma,

Matunzo kwangu thamani, kunusuru maishangu.

Mimi niliyesalia, shukurani zangu nyingi,

Kwao SEMA wanachama, pamoja na MALIHAI,

Kunipa matunzo mema, pale STEMMUCO chuoni,

Matunzo kwangu thamani, kunusuru maishangu.

Tafadhari nakuomba, tena nakubembeleza,

Pia nakunyenyekea, siku ukibarikiwa,

Ndugu maisha kuwapa, uwatunze kwa fanaka,

Matunzo kwangu thamani, kunusuru maishangu.

Mimi nataka rafiki, ndugu pamoja jamaa,

Wote hawapatikani, juhudi zako zikifa,

Wote uwape thamani, na wale chumvi sana,

Matunzo kwangu thamani, kunusuru maishangu.

MTUNZI: FRANCIS MATONDO